المحور يناشد رئيس الجمهورية لعلاج البطل محمد سعد على نفقة الدولة

كتب عبدالنبى النادى 

 

تحت عنوان "انقذوا بطل مصر" تناشد أسرة تحرير موقع المحور الاخبارى فخامة الرئيس عبدالفتاح السيى رئيس جمهورية مصر العربية لانقاذ حياة البطل المصرى محمد سعد محمد البالغ من العمر 38 عام بطل مصر في كمال الأجسام.

حيث يرقد البطل المصرى علي سرير داخل غرفة العناية المركزة بمستشفي الجلاء العسكري وهو في غيبوبة تامة بسبب تعرضه لنزيف بالمخ.

 

محمد سعد محمد البالغ من العمر 38 سنة هوبطل مصر في كمال الأجسام و تاني عالم في اسبانيا عام 2015 وبطل مصر عام 2009 و 2010 وبطل البحر المتوسط عام ٢٠١١ .. محمد رفع اسم و علم بلده كتير.

 

محمد تعب جداً وأغمى عليه فجر اليوم وجريوا بيه علي مستشفي الْيَوْمَ الواحد ..رفضوا يقبلوه ..راحوا علي مستشفي المطرية العام رفضوا يقبلوه ...راحوا بيه علي مستشفي كليوباترا ..قالوا لهم مفيش مكان ..راحوا علي القاهرة التخصصي قالوا لهم مفيش مكان عندنا.

 

المهم راحوا مستشفي العلاج العسكري ..قبلوه ..وطلع عنده نزيف بالمخ ودخل في غيبوبة بسبب اللف بين المستشفيات ..المهم دخوله مستشفي الجلاء كان لازم يدفع له التأمين ..الاسرة مش معاها اي فلوس ..المهم ان مجموعة من أصحابه الحقيقيين لموا مع بعض و دفعوا فلوس التأمين.

 

دلوقتي مر ١٢ ساعة ومحمد لسه في غيبوبة ..محمد الاتحاد بتاعه ميعرفش عنه حاجة ..ولو الاتحاد عرف بقصة محمد اصلا ..الاتحاد مش معاه يصرف علي نفسه.

 

المهم ان أسرة محمد و كوم اللحم اللي ورآه لازم يدفع ١٥الف جنيه كل ٣ ايّام ..وهم مش معاهم حق التاكسي ال ينقلهم من المطرية لمستشفي الجلاء ..واصحاب محمد مشكورين. مش معاهم يدفعوا تاني.