دعوة فرح

بقلم – أميرة السمان

أوراق و دفاتر و صور في ألبوم صور و بين كل دول لقيت دعوه فرح في يوم من كام سنه بس كان يوم من احلي الايام وفيه ليله من ليالي الف ليله وليله وافتكرت عزومه الفرح كان اول فرح احضره في حياتي رغم انه ماكنش فرح لحد اعرفه شخصيا بس هو دعاني وروحت وكان المفروض انه هيعدي عليا ياخدني متعلقه في دراعه وايدي مشبوكه في ايده هو ببدلته وانا بفستاني وكان اول مره اشوفه ببدله وكرافات شوفته وطيرت بيه لفوق فوق وكمان حلمت انه ده كان يوم فرحي رغم انه عمره ماقالي انه بيحبني بس كان دايما بيحسسني بيها وبيقربلي مسافات مسافات كان معايا ارق ملاك واول ماشافني نازله من ع السلم قالي وهو مستنيني ممكن اقول حاجه كلمه رقيقه قولتلو لاء بدلع قالي بابتسامته الجميله ايه القمر ده !!! ملاك والله ملاك.. ودقت الطبله وموسيقي الزفاف واخدني بين دراعاته ورقصنا كنت بتحرك ومش حاسه باللي حوليا ومش شايفه غيره وقريتها في عينه بحبك تتجوزيني وبكره هنكون زي دول بدل ماتكوني بفستان اسمر في بتنجاني وانا ببدله عاديه تبقي بفستانك الابيض وانا ببدله فرحنا قرتها في عيونه وحسسني بيها ضمني بعيونه وبدراعاته قالي ساعتها احلي كلام واخدني لدنيا بعيده نسيت الدنيا والفرح والناس بنيت احلام جوايا اتاريه هو كمان كان مشاركني فيها عمري ماكنت اتخيلت فلحظه انها هتكون ذكري.. وخلصت الرقصه واحنا زي مااحنا زي الموج بيرقص ع الشط مع كل كلمه رقيقه وكل نغمه ارق وانا بين ايديه خطوه بخطوه واخدنا الشوق لبعيد بعيد عن كل المعازيم ونزلت دمعه مني تقوله عايزه اعرف قولي ..ايه احساسك عايزه اعرف هل بتحب ولا ده كدب؟!! مسحها بايده وباسها بشفايفه وحلفلي بيها انه بيحبني اوي وقالي ساعتها بحبك اوي .......بحبك تتجوزيني ؟؟؟؟ وانا زي الموج بميل يمين وشمال واخدني من ايدي والمره دي حقيقي بعيد عن كل الناس حولينا وحكالي عن احساسه وقالي... انا حاسس جدا بيكي حاسس مش هكون غير ليكي .. ايه ؟! ماردتيش ليه عليا بتحبيني ؟! رديت عليه وقتها وقولت انت حاسس واكتر حد بيا شاعر ومن قبل مااتكلم ترد تقولي بفكر في ايه . قبل مابتنزل دموعي بتمسحها قبل الامي واوجاعي لازم ترسم بسمه علي شفايفي يبقي ازاي اكون مابحبكش ايوه بحبك واخدتنا الدنيا لدنيا بعيده لما سمعنا غنوه رقصت عليها قلوبنا وخلاني في الليله دي انا العروسه ..وخلص الفرح واخدني علي بيتي وصلني وقالي هنتكلم بالليل وصلني و طلعت بوست كل اللي في البيت شافوني متغيره قالولي احلويتي فيكي شيئ غريب عيونك بتلمع في ضي جميل رديت وهما في حضني وحشتوني وحشتووووني ودخلت اوضتي وقفلت الباب لقيت تليفوني بيرن وقالي اول مارديت ..لا لا دانا مالحقتش ارد دي كانت همسه حب لقيته بحبك وحشتيني وحبك كل عمري قولتي ايه رديت وقولت وانت كل روحي وقلبي يبقي كده بنكمل بعض وعيشت معاه ساعات وساعات نتكلم عن كل اللي فات قولت وقالي احلي كلام وقالي انا غيور اوي ولما جت سيره الفراق ...قالي لاء لاني بخاف بخاف الفراق واخدنا الكلام لحد ماخلاني انا العروسه قالي انه حلم بيا مراته وام لاولاده ليالي طويله ضحك وكانت اول مره اسمع فيها صوت ضحكاته واخدني في حضنه بس باحساسي اعمل ايه اصله عرف ازاي فيه يحببني وحكالي ..حكالي عن احلامه بيا وانا ساكته بس سامعه اتمنيت انه يكون جنبي ومعايا يعيشني حلمه حقيقه معاه اقاسمه فيه المسه واحسه بايدي واحساسي وحلفلي بدمعه عيني اللي كان اول مره يشوفها الليله حلفلي انه اصعب عذاب وانه عمره ما هيحسسهولي ومرت ايام وايام ... بس ده دوام الحال من المحال من غير اي عتاب بعد عني وهو اللي اختار يبعد رغم حبه ليا ورغم احساسه وشوقه ليا كحبيبه وزوجه قالي في يوم انه لازم لازم يكون بنا الفراق ورضيت لاني حلفتله في يوم اني هكون دايما ليه اسمع الكلام ومارفضش ابدا اي كلام وبقينا اصحاب لحد مابقي يشوفني ولا كاني قدامه وجعني المني بس كفايه اني ماوجعتوش وطفي لمعه عيوني ولما بقي يشوفونا الناس يقولو بعد مااصعب عليهم هما دول اللي كانو عشاق ...اه ياعيني علينا هو ده الحب اللي حلفلي عليه في يوم وليله يبيع كل ده في لحظه واحده ويبقي بنا مجرد ذكريات لقاء جاف ووداع من غير وعود بس بسال .....بقي هو ده اللي كان بيخاف من فراقي جنبك خليني في حضنك اعيش والحلم اللي حلمناه امبارح عدي وراح وبقيت وحدي وفاتت سنين ودعوه الفرح بين اوراقي وكتبي زي مايكون محتفظه بيها عشان افتكر ايام كانت جميله بتقولي وتحكيلي عن حلم بعيد عيشته في يوم وليله مع اربع حروف في كلمه اتقالت اما هو فراح وراحت ايامه وفين اراضيه او عنوانه ده راح وماسبش حتي عنوان بس سابلي ذكري والف ذكري عليها دمعه لاني دايما بفتكرها وافتكره اضحك وابكي ماهي دي عادتي معاه ابكي واضحك بس هو فين يمسح دمعي راح ايوه راح ونسي نسي انه كله سلف ودين بس حرام انا نفسي اشوفه واحكيله عن ايام وحلم ضاع وضاعت كل الاماني وعن غربه عايشه فيها وحدي ايوه وحدي من غيره علي ذكري وجعاني يمكن يوم نرجع تاني بس اكيد اليوم ده بعيد لانك زي ماقربت بعدت وكان البعد ده مايخترش علي بالي ابدا يبقي ازاي هنتلاقي تاني ... اه والله كانت حلوه الايام حلوه اوي اوي .. ياسلام شوف احنا فين الوقتي وازي قدرت علينا الايام .. تعرفو انا نفسي نعود طب والله انا نفسي اشوفه وبسال هي ملامحه شكلها ايه وياترا هيعرفني ولا ملامحي جه عليها الزمان وبقيت طير مش قادر ع الطيران بعد ماكسرني بفراقه . واهي بقت ذكريات وكله من دعوه الفرح اللي بين الدفاتر والصور.